తమిళనాడు దివంగత ముఖ్యమంత్రి జయలలితకు చెందిన రూ.4,000 కోట్ల విలువైన ఆస్తులను తమిళనాడు ప్రభుత్వానికి అప్పగించాలని బెంగళూరులోని ప్రత్యేక న్యాయస్థానం ఆదేశించింది. ఈ మేరకు తీర్పు వెలువరించింది.
ఈ ఆస్తుల్లో 1,562 ఎకరాల భూమి, 27 కిలోల బంగారం, 10 వేలకు పైగా చీరలు, 750 జతల చెప్పులు, గడియారాలు, ఇతర విలువైన వస్తువులు ఉన్నాయి. వీటి విలువ దాదాపు రూ.4,000 కోట్లు ఉంటుందని అంచనా. ఈ ఆస్తులను 1996లో జయలలిత అక్రమంగా సంపాదించారని కేసు నమోదైంది. ఈ కేసులో ఆమె దోషిగా తేలారు. అయితే, ఆమె మరణించడంతో కేసును కొట్టివేశారు.
అయితే, ఈ ఆస్తులను జప్తు చేయకూడదని జయలలిత మేనకోడలు జె.దీప, మేనల్లుడు జె.దీపక్ వాదించారు. కానీ, ప్రత్యేక కోర్టు ఈ కేసులో ఇతరులను దోషులుగా నిర్ధారించిందని, అందువల్ల ఆస్తుల జప్తు చెల్లుబాటు అవుతుందని హైకోర్టు తీర్పు ఇచ్చింది. దీంతో, ఈ ఆస్తులను తమిళనాడు ప్రభుత్వానికి అప్పగించాలని కోర్టు ఆదేశించింది.
ఈ ఆస్తులను ప్రభుత్వం ఎలా ఉపయోగించుకుంటుందో చూడాలి.
About the Author
